مجھے عدو کے قبیلے کا فرد کیا جانے۔۔۔ ناطقؔ جعفری
5:12 AM
مجھے عدو کے قبیلے کا فرد کیا جانے
مرا رقیب مرے دِل کا درد کیا جانے
مجھے عبث ہے توقع وفا کی ظالم سے
خمارِ ابرِنمو،برگِ زرد کیا جانے
بگولے ششدروحیران ہوکے پھرتے ہیں
جنوں کے کرب کو صحرا کی گرد کیا جانے
بس اس کو دوستو! امرت سمجھ کے پی جاؤ
سرورِبادہ لہو سرد سرد کیا جانے
ہزار بار گنوائی ہے آبرو ناطقؔ
فریبِ زن کو غریب ایک مرد کیا جانے
شاعر:ناطقؔ جعفری انتخاب: اسدمحمود
0 تبصرہ جات:
تبصرہ کیجیے